Aamse Hekel Bal Patroon

Wat 'n penarie.  Wat is Amish in Afrikaans?  Ek weet nie.  Google weet nie.  En my ma, well of all knowledge, weet ook nie.  So ek maak nou 'n taal besluit.  Hierdie bal is 'n Aamse Hekel Bal.  Voel vry om my reg te help as jy die regte Afrikaanse woord ken.

Hierdie hekel bal is my mees populêre patroon.  Die patroon is ongelukkig in Engels, maar ek hoop om dit binne kort te vertaal.  Ek moet myself net eers gewoond kry aan Afrikaanse Hekel Terminologie.

Die patroon is baie maklik.  Let wel, ek sê maklik, nie vinnig nie.  Mense maak baie keer die fout om te dink dat iets moeilik is omdat dit langdradig of eentonig is.  En die bal is super eentonig.  Jy gaan dieselfde ding (x2) twaalf keer moet maak.  Maar as jy miere in jou gat het, soos ek, en nie kan stil sit nie, dan is hierdie die perfekte projek vir laat-aand tv.

Hierdie Aamse Hekel Bal is perfek vir klein vingertjies en nuuskierige ogies.  En ek ken 'n grootmens of twee wat gesukkel het om die ding aan mekaar te sit.  Maar dalk sê dit meer oor hulle as oor die kompleksiteit van die "puzzle".

Die bal bestaan uit 3 ringe.  Elke ring bestaan uit 4 wiggies.  Jou missie is om die ringe op so 'n manier aan mekaar te slaan dat jy met 'n bal op eindig.

Voor jy begin met die bal gaan jy die volgende nodig hê:

• 4.5 mm hekel pen
• dubbelbreidraad in kontrasterende kleure
• 'n wol naald
• ietsie om die bal mee te stop - die derms van 'n ou kussing, ou sykouse, plastiek sakke as jy wil hê hy moet kraak en ritsel...

Vertaling en Afkortings
Amerikaanse Terminologie		Afrikaanse Terminologie
Ch	Chain	Ks	Kettingsteek
Sc	Single Crochet	Kb	Kortbeen
St	Stitch	St	Steek
Sl st	Slip stitch	Gs	Glipsteek
Sc2tog	Single Crochet 2 together	KbVermeer	Werk 2 kortbene in dieselfde steek

Die patroon is verniet.  Jy kan dit bekom deur hierdie skakel te volg:  Aamse Hekel Bal Patroon op Lookatwhatimade.net.  Daar is ook 'n skakel vir 3 YouTube videotjies wat die stappe baie goed verduidelik.  Die liewe vroutjie wat die video's gemaak het, het dit ook in Duits gedoen, so as jy Duits-magtig is, stof daai spinnerakke uit jou kop uit en probeer die ding in Duits aanpak!)

Ek hoop julle het almal 'n lekker, kreatiewe, geseënde dag!

xxx dedri